Projekte në vazhdim

“Kape të Ardhmen” është projekti kryesor i shoqatës që nisi në Prill të vitit 1999 me hapjen e zyrës së Këshillimit, Informacionit dhe Mbështetjes për shqiptarët e kthyer forcërisht nga Zvicra. Iniciatori dhe koordinatori i këtij projekti është Dr. Patrice de Mestral. Më pas zyra e projektit ofroi edhe mbështetje për riintegrimin e të rinjve të kthyer jo vetëm nga Zvicra, por edhe nga vende të tjera evropiane. Që nga viti 2003 projekti ka përfshirë edhe migrantë të brendshëm.

Donatorët e Projektit “Kape të Ardhmen” janë:
1999 - 2000: Donatorë privatë zviceranë dhe pjesërisht HEKS (Ndihma e Ndërkishës Zvicerane)2001 - 2002: SDC (Zyra e Kooperimit dhe Zhvillimit Zviceran) dhe HEKS
2003 - 2007: HEKS dhe EED (Ndihma për Zhvillim e Kishës Evangjelike Gjermane                 2008:HEKS                                       2009: HEKS

Donator: Komisioni Evropian (Programi AENEAS)

Në partneritet me IOM Tirana

VARRP – Program asistence për kthimin dhe riintegrimin e të kthyerve vullnetarisht nga Mbretëria e Bashkuar, i iniciuar nga IOM Londër. Bashkëpunimi me IOM për këtë projekt nisi më 2003.

Donator: Fondi Evropian i Refugjatëve.

Projekti “MIGRAVALUE”

Në shtator 2006 filloi implementimi i Projektit “MIGRAVALUE”, i cili përfundoi në Gusht 2008. Ky projekt synonte që të hartojnte një model analize dhe menaxhimi të fenomenit “migrant” nëpërmjet planifikimit të shërbimeve dhe politikave për një menaxhim aktiv të flukseve migratore dhe për  nxitjen e zhvillimit lokal. Projekti kishte si qëllim që të zhvillonte vizione hapësinore zhvillimi të lidhura me lëvizjet migratore dhe me strategjitë rajonale të zhvillimit.

MIGRAVALUE promovoi veprimet transnacionale për përfshirje sociale të emigrantëve në zonat e caktuara në projekt, kompletoi nxitësit ekonomikë dhe shërbimet me programe të reja të mirëqenies sociale që mund të japin përgjigjet e duhura për nevojat sociale të aktorëve të përfshirë. Projekti synoi të krijonte qëndrueshmëri sociale në zonat e përcaktuara si psh në investime ose fondin e kursimeve të një migranti për edukimin e fëmijëve. Ky projekt u fokusua në politikat e kthimit të migrantëve dhe në zhvillimin e një rrjeti në nivel rajonal.

Në implementimin e projektit MIGRAVALUE u përfshinë 14 partnerë nga vende anëtare dhe fqinje të BE, që përfaqësonin një rrjet të gjerë  organizmash publike dhe private, ku përfshiheshin edhe bizneset dhe migrantët. Organizata lider ishte Veneto Lavoro (Itali).

Donator: KE në kuadër të Programit INTERREG IIIB CADSES.

Në 17 tetor 2006 u nënshkrua marrëveshja me Vluchtelingenwerk Vlaanderen (Këshilli Belg i Refugjatëve) për të bashkëpunuar në kuadrin e Projektit “Asistencë e Individualizuar për Riintegrimin pas Kthimit Vullnetarisht”. Ky projekt synonte të ofronte asistencë direkte ose indirekte  përmes mbledhjes së informacionit për emigrantët me qendrim në Belgjikë, të cilët dëshironin të ktheheshin vullnetarisht, me qëllim që të sigurohej një kthim i qendrueshën në Shqipëri.

Shoqata jonë mori përsipër të ofronte shërbime të ndryshme që përmbahen në programin e saj për riintegrimin e emigrantëve të kthyer.

Projekti përfundoi në Dhjetor 2008.

Donator: Komisioni Evropian dhe    qeveria belge.

Ky projekt synonte të nxiste integrimin e 55 grave dhe vajzave migrante të brendshme të zonës së Vorës (Komuna Bërxullë), duke u dhënë mundësinë për formim profesional dhe kurse të tjera trajnimi, me qëllim që të lehtësohej procesi i punësimit të tyre në zonat ku ato jetojnë.

Donator i projektit: Këshilli i Kishës Protestante zvicerane.

Projekti “FOKABI” synonte të ofronte forcim kapaciteti për biznesin e vogël dhe të mesëm, me qëllim që të sigurohej qendrueshmëria e kthimit të migrantëve që ishin përfitues të projekteve të Shoqatës “Shpresë për të Ardhmen”. Për këtë u organizuan një cikël seminaresh trajnimi me biznesmenë të vegjël dhe klientë të shoqatës që ishin të interesuar të hapnin biznese të vogla, u mundësuan kontakte dhe vizita në biznese të suksesshme, si edhe u mundësuan  lidhjet me institucionet e kreditimit.

Projekti gjithashtu synonte të nxiste biznesin femëror, për të treguar vlerat, aftësitë dhe fuqinë e grave dhe duke pasur parasysh dëshirën e grave për të zhvilluar një aktivitet fitimprurës në mjediset e shtëpisë apo diku afër saj.  Gjatë implementimit të këtij projekti u financua aktiviteti i 10 emigrantëve të kthyer, nga të cilët 5 ishin meshkuj dhe 5 femra.

Donator: EED (Ndihma për Zhvillim e Kishës Evangjelike Gjermane)

Hidhe Hapin

Ky projekt synonte të nxiste integrimin e grave migrante të brendshme duke u dhënë mundësinë për formim profesional dhe kurse të tjera trajnimi, me qëllim që të lehtësohej procesi i punësimit të tyre në zonat ku ato jetojnë.

Trajnimi profesional u bë sipas nevojave të tyre në kurse rrobaqepësie, parukerie, kompjuteri, kuzhine dhe gjuhe të huaj. Kjo u realizua në bashkëpunim me ente dhe qendra të trajnimit professional, të cilat siguronin këto shërbime.

Paketa e integrimit ofronte integrim professional, social dhe kulturor. Gjithashtu grave iu ofrua këshillim dhe mbështetje emocionale.

50 gra dhe vajza përfituan nga ky projekt. 62% e tyre arritën të gjenin një vend pune pas trajnimit.

Donator i projektit: HEKS

FOKABI

Projekti “FOKABI” synonte të ofronte  forcim kapaciteti për biznesin e vogël dhe të mesëm, me qëllim që të sigurohet qendrueshmëria e kthimit të migrantëve që janë përfitues të projekteve të Shoqatës “Shpresë për të Ardhmen”.

Në këtë kuadër u organizuan një cikël seminaresh trajnimi me biznesmenë të vegjël dhe klientë të shoqatës të cilët ishin të interesuar të hapnin biznese të vogla.

Projekti financoi aktivitetin e 5 grave migrante të brendshme të fshatit Laknas. 

Donator: HEKS

Me IOM

HLWG (Nxitja e riintegrimit të qendrueshëm në Shqipëri, Provincën e Kosovës dhe Republikën e Maqedonisë, duke rritur kapacitet e OJF-ve vendase për t’u siguruar shërbime të kthyerve), projekt i Grupit të Punës së Nivelit të Lartë.

Donator: Komisioni Evropian (Programi HLWG)

Me COOPI

Projekti ALNIMA - Dhënie e asistencës në reintegrimin e ish të dënuarve dhe emigrantëve të kthyer forcërisht ose vullnetarisht nga Italia në Shqipëri, Nigeri dhe Marok.

Donator: Komisioni Evropian (Programi HLWG)

Shtrirja e aktivitetit

STATISTIKA

(Maj 1999 — Dhjetor 2008)

Në total 1745 persona, 1406 meshkuj dhe 339 femra janë regjistruar në zyrën e Shoqatës “Shpresë për të Ardhmen” që nga Maji 1999 deri në Dhjetor 2008.

1362 përfitues, 1079 meshkuj dhe 283 femra kanë përfituar nga programi ynë i riintegrimit profesional dhe social që nga Maji 1999 deri në Dhjetor 2008.

Statistika të vitit 2008