Objektivat e shoqatës

Të zhvillojë perspektiva të reja profesionale dhe arsimore për të ardhmen e shqiptarëve të riatdhesuar, me qëllim që t’i ndihmojë ata të gjejnë dhe rizbulojnë rrënjët e tyre në Shqipëri si edhe të ndihmojë migrantët e brendshëm për rritjen e aftësimit profesional dhe nxitjen e punësimit.

Të krijojë alternativa punësimi për këta shqiptarë të riatdhesuar dhe migrantë të brendshëm, si hap i parë i riintegrimit të tyre.

Të ndihmojë në ngritjen e kapaciteteve të bizneseve të vogla në Shqipëri, me qëllim që të sigurojë një riintegrim të qendrueshëm të emigrantëve te kthyer, të punësuar pranë këtyre bizneseve.

Të inkurajojë shoqëritë dhe bizneset e të gjitha llojeve në vende të ndryshme evropiane që të investojnë dhe financojnë për rindërtimin e shoqërisë shqiptare.

Të bëjë objekt të diskutimeve publike problemin e shumë shqiptarëve që nuk shohin ndonjë të ardhme të mirë në Shqipëri dhe migrojnë kështu në vendet e tjera. Gjithashtu të rrisë ndërgjegjësimin e shqiptarëve për rreziqet dhe dëmet e migrimit të paligjshëm.

Të lobojë me organizmat shtetërorë për mbrojtjen e të drejtave të emigrantëve të kthyer dhe migrantëve të brendshëm.

T’i ndihmojë shqiptarët të rizbulojnë krenarinë e të qenit shqiptar dhe t’i nxitë ata të marrin pjesë aktive në krijimin e së ardhmes së tyre në Shqipëri.

Të promovojë riintegrimin social.

© Copyright :: Shpresë për të ardhmen 2006

ndertuar nga Kaligrafik.net